2.7 Cuir Gaeilge air seo: “Don Juan aux enfers” le Charles Baudelaire, dán as an chnuasach filíochta “Les fleurs du mal”; 13-14

Ón leagan údaraithe:
Frissonant sous son deuil, la chaste et maigre Elvire,
Prés de l’époux perfide et qui fut son amant,

1.7 Cuir Béarla air seo: “Caisleáin Óir” le Séamas Ó Grianna; Caibidil 1: 25-28

Ón leagan údaraithe: “Is maith an rud a dhéanfas tú nuair a thiocfas ann duit, nuair a fuair tú de chroí bréagach a thabhairt domhsa an chéad lá in Éirinn.”

“Shíl mi-se,” arsa an leanbh, agus dhá chuid á dhéanamh den fhocal ina bhéal leis an smeacharnaigh, “shíl mé nach James Gallagher a bhí orm ach Séimí Phádraig Duibh.”

Fágadh iomlán na bpáistí sioctha leis na gáirí. Rinne an máistir é féin draothadh beag tirim drochmheasúil.

2.6 Cuir Gaeilge air seo: “Don Juan aux enfers” le Charles Baudelaire, dán as an chnuasach filíochta “Les fleurs du mal”; 11-12

Ón leagan údaraithe:

Montrait à tous les morts errant sur les rivages
Le fils audacieus qui railla son front blanc

1.6 Cuir Béarla air seo: “Caisleáin Óir” le Séamas Ó Grianna; Caibidil 1: 21-24

Ón leagan údaraithe: “Cluin sin,” arsa an máistir, ag trarraingt na slaite aniar fríd an chloiginn air. Agus tharraing sé an dara leadhb sna cluasa air agus an tríú ceann sa chaoldroim.

“A mhaistín cháidhigh na mbréag, i ndiaidh mé “James Gallagher” a scairteadh trí huaire seanard mo chinn a rá is de go n-abair tú nar chuala tú mé.”

2.5 Cuir Gaeilge air seo: “Don Juan aux enfers” le Charles Baudelaire, dán as an chnuasach filíochta “Les fleurs du mal”; 9-10

Ón leagan údaraithe:
Sganarelle en riant lui réclamait ses gages,
Tandis que Don Luis avec un doigt tremblant

1.5 Cuir Béarla air seo: “Caisleáin Óir” le Séamas Ó Grianna; Caibidil 1: 17-20

Ón leagan údaraithe: D’amharc sé suas air agus cigilt ina mhuineál le heagla roimh na buillí.

“Labhair, marbhfáisc ort, labhair a smuilcín gan mhúineadh. Cad chuige nach dtug tú freagra ar d’ainm?” arsa an máistir.

“Níor chuala mé thú”, arsa an leanbh, agus glór an chaointe ina cheann.

2.4 Cuir Gaeilge air seo: “Don Juan aux enfers” le Charles Baudelaire, dán as an chnuasach filíochta “Les fleurs du mal”; 7-8

Ón leagan údaraithe:
Et, comme un grand troupeau de victimes offertes,
Derrière lui traînaient un long mugissement.

1.4 Cuir Béarla air seo: “Caisleáin Óir” le Séamas Ó Grianna; Caibidil 1: 13-16

Ón leagan údaraithe: Scairt sé ceann amháin trí huaire, agus a ghlór ag airdiú ‘ach aon uair, ach ní thug duine ar bith freagra air. Bhí na páistí uilig agus a súile sáite i Séimí acu, agus iontas an domhain ar Shéimí bhocht goidé a bhí ar chois. Sa deireadh anuas leis an mháistir go ceann an tí agus slat saileoige aige ina láimh. Thóg se an t-slat os cionn Shéimí, agus thug a chorp don fhear a bhí thíos, goidé a thug air gan freagra a thabhairt ar a ainm.

2.3 Cuir Gaeilge air seo: “Don Juan aux enfers” le Charles Baudelaire, dán as an chnuasach filíochta “Les fleurs du mal”; 5-6

Ón leagan údaraithe:
Montrant leur seins pendants et leurs robes ouvertes,
Des femmes se tordaient sous le noir firmament

1.3 Cuir Béarla air seo: Caisleáin Óir” le Séamas Ó Grianna; Caibidil 1: 9-12

Ón leagan údaraithe: D’iarr a mháthair air a bheith ina ghasúr mhaith go trathnóna, agus d’imigh sí.

Bhi scaifte gasúr, agus Séimí ina measc, bhí sin ina seasamh ina rang thíos i gceann an tí agus gasúr den chuid ba mhó in ainm a bheith á dteagasc. Ach chonaic an Rí an teagasc sin: ag imirt chnaipí, ag déanamh malairteach, agus ag caitheamh seileog ar a chéile.

I gceann tamaill tharraing an máistir air an leabhar mór agus thoisigh sé a scairteach amach aineamach.

2.2 Cuir Gaeilge air seo: “Don Juan aux enfers” le Charles Baudelaire, dán as an chnuasach filíochta “Les fleurs du mal”; 3-4

Ón leagan údaraithe:
Un sombre mediant, l’oeil fier comme Antisthène,
D’un bras vengeur et fort saisit chaque aviron

1.2 Cuir Béarla air seo: “Caisleáin Óir” le Séamas Ó Grianna; Caibidil 1: 5-8

Ón leagan údaraithe: Agus, ansin, an teaghlach mór a bhí ann agus gan cosúlacht orthu go raibh máthair ar bith acu, nó ceann urraidh ar bith orthu ach tua cheatha de sheanduine liath a raibh gruaig sceadach air, feasóg sconnribeach, soc confach, agus dreach coitinneach. D’amharc sé lena dhá shúil dhearga ar an mhnaoi a tháinig isteach agus an tachrán ar ghreim láimhe léi. Ansin bheannigh sé di go cineál fuarbhruite, tharraing sé air leabhar a raibh suaithníocht go lá dheireadh an domhain ar a mhéid a bhí inti, scríobh sé síos dornán inti, agus dhruid sé aris í. Ansin fágadh Séimí thall i gcoirnéal i gcuideachta scaifte eile páistí a bhí fána thuairim féin méide.

2.1 Cuir Gaeilge air seo: “Don Juan aux enfers” le Charles Baudelaire, dán as an chnuasach filíochta “Les fleurs du mal”; 1-2

Ón leagan údaraithe:
Quand Don Juan descendit vers l’onde souterraine
Et lorsqu’il eut donné son oble à Charon,

1.1 Cuir Béarla air seo: “Caisleáin Óir” le Séamas Ó Grianna; Caibidil 1: 1-4

Ón leagan údaraithe: "Ceithre bliana, gan lá chuige nó uaidh, a bhí Séimí Phádraig Duibh nuair a cuireadh chun na scoile é. Ní raibh bríste nó a dhath san am air ach cóta de ghlaisín chaoarach, agus, eadar and t-éideadh a bhí air agus a cheann catach gruaige (féadann a bhlagad na foilt chraobhcasta sin a shéanadh inniu), an mhaidin a chuaigh sé lena mháthair ar ghreim laimhe go teach na scoile ní aithneodh súil dá deacaigh i gcloiginn nach puirtleog ghirsí a bhí ann. Ar a dhul isteach go teach na scoile dó d’amharc sé go scaollmhar ar gach taobh de, agus níorbh iontaí leis an sneachta dearg ná an cineál tí a bhí ann. Ní raibh leaba nó cuinneog nó ball ar bith eile trioc ann faoi chreatacha an tí."